Иако се уште официјално не е потврдено, српскиот кошаркарски интеранционалец од редовите на Денвер, Никола Јокиќ се очекува втора година по ред да биде прогласен за најкорисен играч (МВП) во лигашкиот дел од најсилната НБА лига. Јокиќ беше лидерот на Денвер со кој стигна до плејофот каде беа елиминирани од Голден Стејт. Еден од главните конкуренти на Србинот за признанието МВП, сезонава беше Џоел Ембид од редовите на Филаделфија. Сепак Камерунецот е свесен дека ќе остане со празни раце.
-Знаев дека тоа нема да се случи. Секоја чест Никола, ја заслужи наградата. Имаше одлична сезона. Нема тука дали е во ред или не, имаше многу кандидати, лесно можеше да биде поинаку – вели центарот на Филалдефија, која има негатива од 3-2 во полуфиналната конференциска пресметка со Мајами.
