Ќерката на поранешниот холивудски пар Брус Вилис и Деми Мур, Скаут Лару Вилис, во средата објави смело музичко видео за својот нов сингл Woman At Best.
„Оваа песна е ода на женската креативност, сексуалност и слобода, на идејата дека можам да бидам сето тоа без да кријам или чувам дел од себе“, вели Скаут (30). Пејачката и текстописец најави деби-албум со ист наслов, кој треба да излезе на 24 јуни.
Мајката Деми (59) набргу сподели претерано нагласен исечок од видето, на кој се гледа како Скаут трие влажни цреши на куса проѕирна маичка и става црвен цвет над меѓуножјето.
Во описот на објавата на „Инстаграм“, Деми, очигледно воодушевена од дивиот спот на својата ќерка, напиша: „Новата песна Woman At Best излезе сега! Толку е магична и моќна. Тука е гордата мама“.
