Ливерпул беше поразен во финалето на Лигата на шампиони од Реал Мадрид со 1-0. Иако „црвените“ беа подобри во поголем дел од мечот, „кралевите“ на крајот постигнаа погодок за искачување на европскиот трон на големо разочарување на играчите на Ливерпул и менаџерот Јирген Клоп.
– Ова не е неверојатно, ова е само нормален фудбалски резултат. Имавме многу повеќе шутеви, но најважната статистика е апсолутно на страната на Мадрид. Тие постигнаа гол, ние не и тоа е најлесното објаснување во светот на фудбалот. Тоа е сурово, но ние го почитуваме тоа. Кога голманот е играч на натпреварот, тогаш нешто не е во ред со другиот тим. Куртоа имаше три неверојатни одбрани, но посакувам да имавме уште такви можности. Проблемот е што кога играте против Реал Мадрид, кој игра толку длабоко, нивната закана од контранапад е огромна. Видов многу добри работи во нашата игра, но тоа не беше доволно. И ние го прифаќаме тоа. Одигравме добар натпревар, но кога ќе загубите со 1-0, тогаш знаете дека не е доволно добар. Примивме гол од изведување на топката од аут. Се обидовме после примениот гол да се вратиме, сакавме да бидеме храбри. Можевме да одиграме подобрар фудбал. Можеше и Мадрид, но ниту тие не успеаја. Тие играа како да мораат, освен голот не направија ништо друго. Имаа уште еден шут, ние имавме деветОвој тим на Реал е неверојатно искусен. Го имаат најискусниот и најуспешен тренер во европскиот фудбал. Кога ќе изгубите, треба да мислите дека сте можеле подобро. Но, дали е можно да дадете се од себе во 63-от натпревар од сезоната? Не знам… Не ја земавме наградата и тоа е дел од оваа игра. Реал Мадрид еден ден ќе го загуби финалето, но овојпат тоа не се случи. Во соблекувалната веќе никој не смета дека имавме одлична сезона. Чувството е чуедно. Не е лошо да стигнеш до финалето, тоа е некаков успех, но не каков што сака. Знам дека одново ќе играме финале. Овие момци имаат натпреварувачки дух, ќе бидеме тука во финалето и следната сезона. Каде се игра: Во Истанбул? Резервирајте хотел“, порача Клоп.
