Најдобриот кошаркар на Бостон селтикс, Џејсон Тејтум зборуваше за состојбата на тимот пред петтиот натпревар од финалната серија во кошаркарската НБА-лига против Голден Стејт, кој е закажан по средноевропско време рано изутрината во 3 часот во вторник.
Момнеталниот резултат во серијата кој прв до четири победи е 2:2.
– Поразот во четвртиот натпревар беше многу разочарувачки, ние го знаеме тоа. Во пресрет на петтиот натпревар, јасно ни е како да се однесуваме. За нас ова е трета серија по ред со петти натпревар. Знаеме што треба да се направи. Знаеме колку е сериозно и дека сите ситници се важни, дека треба да внимаваме на деталите, нијансите. Останувам самоуверен, како и во текот на целиот плејоф. Верувам дека ќе одговориме на вистински начин и ќе играме подобро во поголемиот дел од следниот меч, рече Џејсон Тејтум.
