Раководството на францускиот фудбалски првак ПСЖ има намера ова лето да се раздели со Бразилецот Нејмар, пишува „El Pais”. Според изворот, клубот веќе го известил играчот дека следната сезона ќе ја помине во друг тим на позајмица. Парижаните ќе му ја исплатат целата плата.
За Нејмар заинтересирани се Челзи, Јувентус, Манчестер јунајтед и Барселона.
Нејмар минатата сезона одигра 28 натпревари за ПСЖ, постигна 13 гола и имаше осум асистенции.
Триесетгодишниот Бразилец игра за ПСЖ од 2017 година. Како дел од тимот, фудбалерот стана четирикратен шампион на Франција, три пати го освои Купот на земјата.
Договорот на напаѓачот со клубот е до 30 јуни 2025 година.
