Австралискиот тенисер Ник Киргиос одговори на повиците на Стефанос Циципас по натпреварот од третото коло на Вимблдон. Имено, на теренот број 1 беше видена вистинска „лудница“, а меѓу вториот и третиот сет Кирјиос побара дисквалификација на Циципас, бидејќи Гркот со топка ги удри навивачите на трибините.
Војната продолжи и по натпреварот. Стефанос го етикетираше Ник како насилник кој ги малтретира сите, а Австралијанецот, како и секогаш, имаше подготвен одговор.
– Не знам што да кажам. Како му бев насилник? Тој мене ме гаѓаше со топки. Тој беше тој што го удри навивачот со топката. Јас не направив ништо. Освен моите расправии со судијата, не направив ништо за да го навредам Стефанос или да го непочитувам на кој било начин. Веројатно и јас би бил лут ако некој постојано ме победува. Можеби треба да смисли како да ме победи на теренот и потоа да се сврти кон неговите планови да не ме пушти да играм, рече Кирјиос.
Кирјиос потсети и на мечот од второто коло со Филип Крајиновиќ.
– Кога играв со Филип Крајиновиќ, тој не ја фрли топката кон навивачите. Затоа му кажав на судијата дека мислам дека Стефанос не треба да биде на теренот. Сигурен сум дека ќе бев отстранет од теренот доколку улогите беа сменети, истакна Кирјиос.
