Египетските власти денеска затворија дел од брегот на Црвеното Море, откако туристка им подлегна на повредите по напад на ајкула во близина на Хургада.
Австријка (68), на која ајкула и ги скинала раката и ногата, починала во приватна болница во Хургада, соопштил неименуван египетски функционер, пренесуваат светските медиуми.
Од интерен документ од канцеларијата на гувернерот на Црвеното Море, според АП, египетските власти ќе го затворат брегот на три дена и ќе ги забранат сите поморски активности, вклучително и нуркање, сурфање на ветер и китинг, како и рибарски чамци.
На видеото кое е објавено на интернет се гледа како нападот на ајкулата е релативно блиску до брегот.
Поради оваа несреќа во следните три дена, почнувајќи од петок, на овој простор е забрането пливање, нуркање и риболов. Станува збор за дел кој е полн со популарни одморалишта, а самиот напад се случил недалеку од едно од нив, пишуваат медиумите.
Инаку, во Црвеното Море живеат над 40 различни видови ајкули, меѓу кои најзастапени се гребенските ајкули, но и црните и ајкулите Лонгманус.
⚡️ A shark attacked a tourist in Hurghada.
According to media reports, this happened near the Egyptian resort of Sahl Hasheesh. As a result of the attack, the victim lost a limb, she was able to be pulled ashore and handed over to the doctors. pic.twitter.com/nw0649tnjg
— FLASH (@Flash_news_ua) July 1, 2022
