Јанковска-Ристески смета дека не се европски вредности тоа што Бугарија бара од нас да се откажеме од македонскиот јазик, историја и култура.
-Ви ги гледав лицата и знаете што видов, ви пишуваше: Смрт за Македонија. Срам да ви е! Знаете како? Имаме прекрасни пејачи и поети, прекрасна е Македонија. Анте Поповски вели: „…Немаме резервна татковина, Македонија ни е сѐ, лулка и татковина!“ Вие се нарекувате Македонци? Која мајка ве родила? Македонскиот народ е мирољубив и никогаш никој не напаѓал. Ние не ги окупиравме соседите Бугарите и никого не му пречиме и никого не уценуваме да зборува како сака и да се вика како сака. Па нели тоа беа европските вредности? Предавници! Колку пари зедовте? Призајте!“, рече Ребека.
Таа додаде дека владата со овој француски предлог ја донесе и државата и граѓаните во ситуација на потчинетост, споменувајќи ја изјавата на Бујар Османи кога изјавил дека кога преговара за македонските национални прашања нема никакви емоции и побара оставка од влада.
Не донесовте во ситуација на потчинетост. Требаше одамна да кажете НЕ, гласно НЕ. Го слушнав еднаш Бујар Османи немал емоции кога разговарал и преговарал за прашањето за Македонија, немал никакви емоции, но извини нема да ви помине. Па каде си роден ти министре, изјави Јанковска-Ристески.
Јанковска-Ристески потенцираше дека нејзино право е да е Македонка и да зборува на македонски јазик, порачувајќи дека не смее да има промена на историјата во учебниците.
Моето право е да бидам Македонка, да зборувам на македонски јазик, да имам македонска историја и да учам во школо на македонски јазик и да не ги менуваат учебниците на моите деца, истакна Јанковска-Ристески.
„На ‘Гугл’ за нашите херои пишува: Бугарски Македонци. Европа не ја замислував ваква! Моето право е да бидам Македонка, да зборувам на македонски јазик и да не ги менуваат учебниците на моите деца! Тие нам ќе ни кажат од кога постоиме небаре сме малоумни! Стотици години постоиме и ќе постоиме! Не може да нѐ сотрат!“, додаде таа.
„Ако стоиме вака, нема да им се стресат гаќите! Да го блокираме системот, од утре никој ништо да не работи“, порача Ребека.
