Република Северна Македонија и Албанија заслужија почеток на преговори со ЕУ, смета српскиот претседател Александар Вучиќ. Тој во интервју за Сител Телевизија, изјави дека со години наназад ја е сведок на состојбите и искрената борба на двете држави во обид да ги почнат пристапните преговори со Унијата. Република Северна Македонија веќе 17 години како земја кандидат ги исполнува реформите и ги постигнува резултатите.
„Мислам дека Северна Македонија и Албанија заслужија почеток на преговорите за членство во ЕУ. Одамна заслужија заради својата посветеност, резултатите кои ги постигнаа, исполнувањето на се она што го бараа од нив“ – изјави Вучиќ во Тема на денот на Сител Телевизија.
Вучиќ исто така рече дека е ги следи процесите и искрената борба но и храброст на премиерите на РС Македонија и Албанија Димитар Ковачевски и Еди Рама со цел да ги зачуваат нивните важни државнички прашања и со нив да ги започнат преговорите.
„Секако дека следам се што се случувам и поддржувам се она што моите колеги Ковачевски и Рама го бараа во Брисел многу храбро, остро, не само на конференциите со новинарите туку и на самите средба посветена за Западен Балкан“, изјави Вучиќ.
Сепак Вучиќ напомена дека тој не може да се меша во внатрешните политики поврзани со македонските граѓани, со народот и не би сакал да се најде во истата позиција пред српските граѓани. Што се однесува со историските прашања тој смета дека историјата не се пишува денес туку ќе биде напишана од следните генерации за десетина или повеќе години.
„Јас не сум од оние кои ги сака тие приказни за историските моменти, многу важни моменти. Што се историските моменти за тоа ќе одлучуваат некои за 20, 30, 50 години а не ние денес. Претпоставувам дека тоа е еден дел што ги нервира и во Скопје и во Велес и во Битола и во Прилеп и во секое друго место и во Куманово и во секое друго место во Македонија„ – рече Вучиќ.
Вучиќ: Бриселскиот договор за нас беше тежок но денес најмногу се повикуваат на него
Бриселскиот договор не беше лесен ниту за Србија, а многу луѓе, посебно Србите на Косово и Метохија, не сакаа ни да слушнат, ни да го прифатат, сега на тој договор се повикуваме најмногу, вели претседателот на Република Србија, Александар Вучиќ, во Тема на денот на Сител. Вучиќ, ги повика македонските граѓани да не отфрлаат нешто априори, туку убаво да размислат пред нешто да прифатат, или одбијат.
-Кога го прифаќавме Бриселскиот договор во 2013 година, тоа беше многу тежок Договор за нас со многу ставки, за кои луѓето во Србија не сакаа ни да слушнат, ни да ги прифатат. Посебно Србите на Кoсово и Метохија. Јас цел ден и цела ноќ бев напаѓан, но го бранев тој договор, а денес тој Договор, е Договор на кој се повикуваме најмногу.Но зошто ова го говорам. На македонските граѓани … Пак ќе кажам тие подобро знаат од мене дали е нешто добро или не, за националните интереси на нивната земја. Само ги молам луѓето да размислат, да размислат да не прифаќаат, или да не отфрлаат нешто априори – рече Вучиќ.
Претседателот на Србија, посочи на бенефитите кои ги добила неговата држава со стартот на преговорите со ЕУ.
-Ги отворивме преговорите за членство во ЕУ, но после тоа ние повеќе од дупло ги покачивме нашите плати. Ние имавме плати на ниво како во Северна Македонија, денес платите кај нас се 640 евра просечна, а наскоро и 720 евра. Во Белград наскоро платите ќе одат над 990 евра, веќе во месец јануари. Добивме огромен број на инвестиции, 62% вкупно од инвестициите за Западен Балкан. Нас отворањето на преговорите со ЕУ многу ни помогна. Дали е се сјајно и убаво? Секако дека не.
Ништо не е убаво и лесно. Но се поставува и друго прашање. Што е алтернатива? Јас затоа само ги молам луѓето кога за тоа размислуваат, не политичарите, туку обичните луѓе тоа да го постават на таков начин. Да не се оди со емоции, никого не му се потреби немири меѓу народот и полицијата. Никого. Тоа е единствено што можам да им го кажам на луѓето. Ги молам да се чуваат едни со други. Кажав што Србија изгуби а што доби, сами размислете и донесете одлука-рече Вучиќ
Тој уште еднаш посочи за искреното пријателство на Србија кон Северна Македонија, не само преку Отворен Балкан , туку и преку зајакнување на билатералните односи меѓу двете земји што Северна Макеоднија ги отвори преговорите со ЕУ.
-Ако ги отворите преговорите, ќе ја имате и тука нашата дополнителна поддршка бидејќи ние низ тоа поминавме – рече српскиот претседател.
