ЈП Паркинзи на Општина Центар и Општина Центар во соработка со Сообраќајната полиција-Скопје минатата недела санкционираа 196 непрописно паркирани возила кои го попречувале нормалното и безбедно одвивање на сообраќајот.
-Во периодот од 04.07. до 10.07.2022 година, со помош на специјалните возила „Пајак” на ЈП ПОЦ отстранети се 87 непрописно паркирани возила, а со поставување на механичко средство „Блокатор” санкционирани се 109 возила кои биле затекнати во резидентни зони, а не биле корисници-резиденти на секторот во којшто биле паркирани, се наведува во соопштението од Општина Центар.
ЈП ПОЦ и Општина Центар, како што стои во соопштението, континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општината.
