Пожарот што е закана за шума со некои од најстарите дрвја секвоја во Националниот парк „Јосемити” во американската сојузна држава Калифорнија пат пати се прошири во текот на викендот, со чад што сериозно го загрозува квалитетот на воздухот во паркот и драстично ја намалува видливоста.
До вчера пламенот уништил речиси 650 хектари грмушести и нискостеблести растенија во јужните крајни делови на паркот.
Службите во Националниот парк веднаш ја затворија областа Марипоса Гроув каде има повеќе од 500 стари секвои, додека уште во петокот е целосно евакуирано населението од блиската општина Вавона и хотелските капацитети.
Притоа, според портпаролката Ненси Филип, згрижени се повеќе од 1.600 луѓе.
Парковската служба го затвори јужниот влез во паркот, што инаку привлекува околу четири милиони туристи годишно.
