Најмалку 20 цивили загинаа, а десетици се повредени при денешниот руски напад со крстосувачки ракети истрелани од подморница во Црното Море на градот Виница во централна Украина, тврдат украински официјални лица.
Меѓу загинатите има и три деца.
Украинската војска соопшти дека Виница е погодена од три руски крстосувачки ракети Калибр истрелани од подморница, а украинските сили собориле уште две.
Според полицијата, меѓу повредените околу 50 лица се во тешка состојба, а 15 луѓе се водат како исчезнати.
❗️ Sensitive Content❗️
The first minutes after the missile attack on #Vinnytsia. pic.twitter.com/zFgswaw0zB
— NEXTA (@nexta_tv) July 14, 2022
– Крстосувачки проектили погодија два јавни објекта, уништени се куќи, уништен е медицински центар, гореа автомобили и трамваи, информираше претседателот Володимир Зеленски.
Како што тој додаде, „ова е чин на руски терор” и „досега починаа 20 лица”. Тој се обрати на меѓународна конференција, чија цел е процесуирање на воени злосторства извршени во Украина.
Руското Министерство за одбрана досега нема дадено одговор на извештаите од Виница. Инаку, Русија негира оти цели на цивили и тврди дека нејзините сили не извршиле воени злосторства.
According to #Ukrainian MP @GoncharenkoUa, #Russian invaders hit a shopping mall in #Vinnytsia.
Advisor to the Minister of Internal Affairs of Ukraine Anton Gerashchenko published a video from the scene of the tragedy. pic.twitter.com/64DtybXY6O
— NEXTA (@nexta_tv) July 14, 2022
