Милиони корисници ширум светот денеска не можеа да пристапат на Твитер.
Има извештаи за корисници кои не можат да го освежат својот извор или да објавуваат нови твитови. Според статистиката составена од DownDetector, проблемите првпат почнале да се појавуваат околу 12:55 часот денеска.
„Нешто тргна наопаку. Обидете се повторно да вчитате, ми вели Твитер“. Да, веќе сум го направил тоа најмалку 50 пати“, изјавил еден фрустриран корисник.
DownDeetector покажува дека 50% од корисниците имаат проблеми со веб-страницата, додека 42% имаат проблеми со апликацијата. Останатите 8% изјавиле дека не можат да објават.
Ова е прв голем прекин на Твитер по проблемите во САД во февруари поради техничка грешка.
На 4 октомври 2021 година, Фејсбук, Инстаграм и Ватсап беа недостапни во временски период од шест до седум часа, потсетува британскиот медиум.
