Рускиот претседател Владимир Путин потпиша закон со кој се предвидуваат тешки затворски казни за секој што ќе повика на акција против руската безбедност.
Според новите одредби објавени денеска, јавните повици на поединци да дејствуваат против безбедноста на земјата сега ќе се казнуваат со затвор од две до четири години. Казната може да се зголеми на пет години доколку повикот е упатен преку медиумите и на седум години ако е организирана група.
Рускиот претседател потпиша и текст за заострување на ограничувањата за поединци и организации означени како „странски агенции”, што се користи за да се потиснат критиките насочени против Кремљ.
Друга мерка предвидува казна затвор до 20 години за секој руски државјанин кој учествува во конфликт во странска земја што е против руските интереси.
Путин потпиша и текст за парична казна, но и затворска казна до седум години за секој кој е запознаен со државните тајни и ја напушта земјата без претходно одобрение.
Овие документи се дел од групата закони кои Парламентот ги прифати во последните недели, а за да стапат на сила потребен им е само потписот на претседателот.
