Денеска беше објавен комплетниот календар на натпревари за новата сезона во регионалната кошаркарска АБА Лига.
По неколкугодишна апстиненција од најелитното друштво во регионов, МЗТ Скопје се врати каде што припаѓа и следната година ќе има можност да се натпреварува со најсилните кошаркарски тимови од Балканот.
Кошаркарите од Аеродром ќе имаат „огнено крштевање“ во новата сезона затоа што уште на стартот ги добија најголемите фаворити за освојување на титулата и следната сезона, Црвена Звезда и Партизан.
Аеродромци почнуваат со гостување кај актуелниот шампион, Црвена Звезда, а веќе во второто коло во „Јане Сандански“ ќе бидат домаќини на Партизан.
Тоа ќе биде одлична шанса за македонската спортска јавност во живо да го види најтрофејниот европски тренер, Жељко Обрадовиќ, но ќе биде и можност за сино-белите момци да му покажат на силниот противник дека не случајно се вратија во друштвото на најдобрите на Јадранот.
Нашиот тим досега ги обезбеди услугите на Дамјан Стојановски, Бојан Крстевски, Адем Мекиќ и Дамјан Робев од македонските репрезентативци, како и на Американците Бре Ајви, Мајк Кафи и Еван Максвел, заедно со српскиот интернационалец Страхиња Миќовиќ.
РАСПОРЕД НА НАТПРЕВАРИТЕ ВО АБА-ЛИГАТА
1. коло: Ц. Звезда – МЗТ СКОПЈЕ АЕРОДРОМ
2. коло: МЗТ СКОПЈЕ АЕРОДРОМ – Партизан
3. коло: Будуќност – МЗТ СКОПЈЕ АЕРОДРОМ
4. коло: МЗТ СКОПЈЕ АЕРОДРОМ – СЦ Дерби
5. коло: Цедевита Олимпија – МЗТ СКОПЈЕ АЕРОДРОМ
6. коло: МЗТ СКОПЈЕ АЕРОДРОМ – Морнар
7. коло: ФМП – МЗТ СКОПЈЕ АЕРОДРОМ
8. коло: МЗТ СКОПЈЕ АЕРОДРОМ – Мега
9. коло: Игокеа – МЗТ СКОПЈЕ АЕРОДРОМ
10. коло: МЗТ СКОПЈЕ АЕРОДРОМ – Борац
11. коло: Задар – МЗТ СКОПЈЕ АЕРОДРОМ
12. коло: МЗТ СКОПЈЕ АЕРОДРОМ – Сплит
13. коло: Цибона – МЗТ СКОПЈЕ АЕРОДРОМ
