Она што го најавуваа медиумите, денес доби официјална потврда, Марио Хезоња го стави својот потпис на договорот со Реал Мадрид.
Пред два дена беше објавено дека Хрватот повеќе не е дел од Уникс од Казан. Реал експресно реагираа и успеаја да постигнат договор со поранешниот играч на Барселона.
Хезоња во Уникс ја одигра најдобрата сезона во кариерата. Тој одлично се вклопи во начинот на работа на тренерот Велимир Перасовиќ и со тоа го привлече интересот на најдобрите клубови во Европа.
Пред Уникс играше во Панатинаикос, а во НБА имаше епизодни улоги во Орландо, Њујорк и Портланд.
???? #WelcomeHezonja ???? pic.twitter.com/N8PGu2k6q1
— Real Madrid Basket (@RMBaloncesto) July 21, 2022
