Спринтерите на 200 метри беа главните ѕвезди синоќа на Светското првенство во атлетика кое се одржува во американскиот Јуџин. Американскиот атлетичар Ноа Лајлс стигна до златниот медал во оваа трка со неверојатно постигнување од 19.31 секунда што е четвртото најдобро време во историјата на оваа патека.
И сребрениот и бронзениот медал останаа во САД, а ги освоија Кенет Беднарек и новото чудо од дете, Еријон Најтон.
Back-to-back world 200m champion ✔️
North American record (19.31) ✔️@LylesNoah ????????, take a bow ????#WorldAthleticsChamps pic.twitter.com/SwJYna46jc— World Athletics (@WorldAthletics) July 22, 2022
Кај дамите трка за историја истрча, Јамајчанката Шерика Џексон. Таа до златото стигна со време од 21.45 секунди што е второ најдобро време во историјата и само 11 стотинки послабо од светскиот рекорд на легендарната Флоренс Грифит Џојнер. Сребрениот медал го освои втората Јамајчанка, Шели Ен Фрејзер Прајс, додека со бронза се закити Британката, Дина Ашер Смит.
Актуелната олимписка шампионка, Илејн Томпсон-Хера заврши како седмопласирана.
