Рускиот интернационалец Тимур Дибиров по речиси една деценија го напушти Вардар и следната сезона ќе настапува за хрватскиот клуб ППД Загреб. Тој во интервју за хрватскиот портал „Спортске новости“ ја откри причината поради која го напушти поранешниот европски шампион.
„Сакав да продолжам да играм во Вардар, но од друга сакам и да победувам. Тоа што се случува во Вардар е само мачење и веќе нема смисол. Се чувстував фрустрирано минатата сезона кога си немоќен да победуваш. Токму затоа пристигнав во ППД Загреб, тим кој знае да победува“, изјави Дибиров.
Дибиров освои две европски титули со РК Вардар.
