Манчестер Јунајтед ги заврши своите пресезонски подготовки со реми на „Олд Трафорд“, резултат кој не ветува премногу на седум дена пред премиерниот меч во новата сезона во Премиер лигата. Вистина е дека Ерик Тен Хаг им даде шанса на многу млади фудбалери денеска против Рајо Валјекано, но главна вест беше и минутажата која ја доби Кристијано Роналдо.
Португалецот се врати на „Олд Трафорд“ со насмевка, доби поздрав од публиката, но одигра само 45 минути и беше изваден од Тен Хаг на стартот на вториот дел. Роналдо не го дочека ниту крајот на мечот, па реши да си замине поради од стадионот, а притоа беше фотографиран од страна на навивачите.
По 45 минути игра резултатот меѓу Манчестер јунајтед и Рајо Валјекано беше 0-0, а на почетокот на вториот дел Дијало погоди за 1-0. Младиот фудбалер од Брегот на Слоновата коска влезе во игра на местото на Кристијано Роналдо на полувреме.Рајо Валјекано израмни преку Гарсија, а Тен Хаг продолжи да става резерви во игра и стана јасно дека не е заинтересиран премногу за натпреварувачкиот каркатер на оваа пријателска.
Навивачите не се среќни поради потегот на португалскиот репрезентативец и сметаат дека требало да остане до крајот на средбата.
Португалецот во претходните недели е главна тема во медиумите и често се шпекулира дека ќе си замине од клубот.
Cristiano Ronaldo seemingly left Old Trafford before the full-time whistle #mulive [@CantonaManc] pic.twitter.com/7I1H0pk0w5
— utdreport (@utdreport) July 31, 2022
