Американската конгресменка, Клаудија Тени ја „крена“ дебатата околу тоа дали на Новак Ѓоковиќ треба да му биде дозволен влез во САД за настап на САД опен во Њујорк на политичко ниво, барајќи од претседателот Џо Бајден да му дозволи на српскиот тенисер да влезе без вакцинација против КОВИД-19.
За влез во САД е потребен доказ за барем двојна вакцинација против КОВИД-19, а самиот Ѓоковиќ вчера преку социјалните мрежи изјави дека тренира како да ќе биде на терените на Флешинг Медоуз. Репубиканската конгресменка Тени преку социјалните мрежи објави дека се обидува да добие поддршк кај своите колеги за дозвола за Ѓоковиќ.
„Напишав писмо до Државниот секретар барајќи да дозволи ти да играш на САД опен. Се обидувам да обезбедам дополнителна поддршка во Конгресот и ќе се обидам на секој начин. Среќно“, напиша Тени на Твитер.
