Македонскиот фудбалски репрезентативец Бојан Миовски ја продолжи гол-серијата во Премиер лигата на Шкотска. Новиот миленик на навивачите на Абердин, постигна два гола во убедливата победа од 5:0 на неговиот тим против Ливингстон.
Миовски го отвори резултатот во 41.минута со гол од пенал, а потоа во 63.минута по додавањето од Хејс ја зголеми предноста на Абердин на 4:0.
Миовски игра одлично од почетокот на сезоната во новиот клуб. Вкупни има постигнато шест гола, пет од нив во Премиер лигата.
