Кливленд и Јута вечерва направија голема размена.
Иако цело лето се шпекулирааше дека ќе замине во родниот Њујорк во „Никси“, бекот на „Џезерите“ Донован Мичел е нов играч на Кливленд. Кон Солт Лејк Сити ќе тргнат дури три кошаркари и три пика од првата рунда на драфтот. Џез така за Мичел ги доби Колин Секстон, Лаури Марканен и Очаи Агбаи.
Со оваа размена заврши една ера во Јута. Мичел комплетната досегашна кариера ја помина во Јута. Во НБА лигата пристигна во 2017 година и стана една од најголемите ѕвезди. Сепак во текот на минатата сезона беше забележително незадоволството.
Не се сложуваше со центарот Руди Гобер, а се започна во текот на пандемијата кога Гобер беше на жесток удар на јавноста. Претходно и Французинот беше трејдуван во Минесота.
Овој 25-годишен бек во НБА кариерта во просек имаше 24 поени по натпревар, а минатата сезона беше ја одигра со просек од скоро 26 поени.
Cleveland is suddenly a major force in the East, adding three-time All-Star Donovan Mitchell — with three years left on his contract — to a lineup that includes two All-Stars — Darius Garland and Jarrett Allen — and a future All-Star with Evan Mobley.
— Adrian Wojnarowski (@wojespn) September 1, 2022
