Евертон одигра 0-0 против градскиот ривал Ливерпул на „Гудисон парк“ во рамки на шестото коло од англиската Премиерлига, а на мечот главни ѕвезди беа голманот Џордан Пикфорд и Алисон Бекер.
Интересен фудбал прикажаа ѕвездите на Евертон и Ливерпул со многу шанси, но сепак голманите беа на висина на задачата, откако најпрво Пикфорд успеа да одбрани неколку одлични удари на „црвените“, по што Алисон го спаси својот гол во финишот на второто полувреме.
Ливерпул скокна до петтата позиција и има девет бода по шест одиграни меча, додека Евертон сè уште не знае за триумф и се наоѓа на 14. место со четири бода.
