Актуелниот шампион на Ју-ес опен, Данил Медведев, не успеа да се пласира во четврт-финалето на последниот Грен слем. Светскиот број еден доживеа елиминација од Ник Кирјос.
Австралиецот, Кирјос по 176 минути игра, го победи Медведев со 3:1, по сетови 7:6 (11), 3:6, 6:3, 6:2. Кирјос и овој дуел го одигра фантастично и исто како неодамна на Мастерсот во Монтреал, забележа победа над рускиот тенисер.
Медведев не можеше да го задржи ритамот на мечот кој го посакуваше, Ник одлично сервираше, одигра агресивно и на крајот сосема заслужено по четврти пат славеше во петтата пресметка со тенисерот од Москва.
Клучен за целиот тек на мечот беше првиот сет, Кирсој тај-брејкот го доби со 13:11, откако Медведев не искорсти три сет топки.
Во вториот, Русинот личеше на себе, експресно дојде до 5:1, а потоа и до израмнување на 1:1.
Сепак во третиот и четвртиот сет на теренот постоеше само еден играч, Кирјос, кој буквално го збриша шампионот од теренот.
Кирсјо во четврт-финалето ќе игра против сонародникот на Медведев, Карен Хачанов.
