Џулија Робертс обожава да биде мајка.
54-годишната актерка во последните неколку години приоритет му даде на својот семеен живот, но конечно ја заврши четиригодишната пауза од снимање филмови и сега глуми со Џорџ Клуни во „Билет за рајот“.
Џулија, која ги има близнаците Финеус и Хејзел (17) и Хенри (15) со сопругот Даниел Модер, изјави: „Јас едноставно го прифаќам сето тоа што доаѓа.“
„Се трудам да бидам супер присутна и да не планирам, немам претстојни актерски работи. Да се вратам на рутината е навистина добро чувство. Сакам да бидам дома, сакам да бидам мајка.“
Џулија го сними филмот во Австралија и признава дека прописите за Ковид-19 во таа земја се покажале како вистински предизвик за актерската екипа.
Меѓутоа, холивудската ѕвезда цени што на сетот имала покрај себе некој како Џорџ Клуни.
Во интервју за весникот „Њујорк тајмс“ таа открива: „Да се снима во Австралија беше навистина предизвик поради сите Ковид-прописи и мислам дека тоа е вистински доказ за пријателството и за креативната средина во која бевме.“
Во текот на престојот во Австралија, Џулија уживала да поминува време со сопругата на Џорџ, Амал и нивните петгодишни близнаци, Александар и Ела.
„Клуниеви ме спасија од целосна осаменост и очај. Тоа беше најдолго што сум била далеку од моето семејство. Мислам дека не сум поминала толку долго време сама откако имав 25 години.“
