Американскиот секретар за одбрана го поздрави украинското заземање на Лиман, клучното руско упориште во источна Украина.
„Многу сме охрабрени од она што го гледаме во моментов“, рече Лојд Остин.
Остин спомна дека Лиман e поставен преку линиите што Русија ги користела за испраќање на своите војници и материјали на југ и на запад.
„Без тие рути ќе биде потешко, тоа претставува еден вид дилема за Русите во иднина“, додаде Остин.
Остин не кажа дали мисли дека заземањето на Лиман од Украина може да поттикне руска ескалација, иако американските власти нашироко ја осудија руската нуклеарна реторика во последните денови, а претседателот Џо Бајден јавно го повика Путин да не користи нуклеарно оружје.
