Италијанскиот десничарски политичар Игнацио Ла Руса, кој денеска на првата седница на новиот парламент беше избран за претседател на Сенатот, во својата дневна соба чува биста на италијанскиот фашистички диктатор, Бенито Мусолини.Како претседател на Горниот дом на парламентот во Рим, 75-годишникот ја презема втората највисока функција во Републиката по претседателската функција. Тој доби 116 сенаторски гласови од потребните 104. Ла Руса е партиски колега на Џорџија Мелони, која треба да стане премиер во наредните денови, од екстремно десничарската партија Браќа на Италија.
Игнацио Ла Руса е роден на 18 јули 1947 година во Патерно во близина на Катанија, Сицилија, а неговото средно име е Бенито. Тој даде контроверзни изјави за италијанската историја и фашизмот. Во предизборната кампања тој тврдеше дека сите Италијанци се наследници на il Duce, што е прекар на Мусолини и значи водач.
За време на пандемијата на коронавирус, Ла Руса ги советуваше Италијанците на социјалните мрежи да престанат да се ракуваат и да го покажат фашистичкиот римски поздрав, што е аналогно на поздравот на Хитлер во нацистичка Германија. Во интервјуто пред четири години, Ла Руса гордо ја покажа својата дневна соба со побожни предмети и биста на Мусолини.
Кориере го посети неговиот дом во Милано во 2018 година и ја фотографираше неговата колекција на фашистички сувенири, која вклучува бисти и медали на Мусолини, фотографии и книги за колонијална Италија. Тој е обожавател на американската историја, а своите три сина ги именувал по индијанските племиња или воини – Антонино Џеронимо, Лоренцо Кочис и
