Ливерпул го доживеа третиот пораз сезонава и тоа од Нотингем Форест (1:0), кој во претходните десет кола имаше само една победа. Во текот на целата последна сезона Ливерпул имаше два порази, а по 11 актуелни натпревари – веќе три.
Можам некако да ја објаснам играта, не можам да го објаснам резултатот“, изјави Јирген Клоп.
„Никогаш не сум видел натпревар каде што една екипа има четири или пет големи шанси од паузата, шанси кои треба да ги завршиме. Моравме мирно да го завршиме натпреварот, да не загубиме“.
Поразот од последнопласираната екипа дојде неочекувано, по три последователни победи, откако „црвените“ го запреа моќниот Манчестер Сити.
„Имавме три натпревари со висок интензитет за кратко време со ограничен состав, но тоа не можеме да го промениме и моравме да се бориме. Моравме да покажеме карактер денес, особено на крајот“, рече Клоп.
