Ливерпул минатиот викенд забележа голема победа и славеше во дербито против Манчестер Сити, потоа доби уште еден непријатен натпервар и триумфираше над Вест Хем, но добрата работа сега падна во вода.
Попладнево избраниците на Јирген Клоп загубија на гостувањето кај последнопласираниот Нотингем Форест.
„Црвените“ го имаа поседот на топката, но креираа малку шанси а домаќините знаеа како да го искористат она што им се укажа.
Популарните „шумари“ одиграа тимски, постигнаа гол во второто полувреме, а одличен на голот беше Дин Хендерсон. Хендерсон имаше неколку квалитетни интервенции од кои се издвојува онаа во судиското продолжение во кое го скроти ударот на Ван Дајк и ги потврди трите бода за домаќините.
По победата Дин кој сезонава игра како позајмен играч од Манчестер Јунајтед ги „поздрави“ гостинските навивачи со покажување на средниот прст.
Dean Henderson gives the middle finger to Liverpool fans at full-time ???? pic.twitter.com/2Vn8gCWblv
— SPORTbible (@sportbible) October 22, 2022
