Џери Ли Луис, легендарниот американски музичар и рокенрол пионер познат по раните рокенрол хитови „Great Balls of Fire“ и „Whole Lotta Shakin’ Goin’ On“, почина на 87-годишна возраст, изјави неговиот претставник. Тој починал од природна смрт во својот дом во ДеСото, Мисисипи.
Џери Ли Луис беше познат по својата енергија во своите настапи, а неговата песна „Great Balls of Fire“ секако беше фактор за популаризација на рокот – таа стана една од најпрепознатливите поп песни од педесеттите, а подоцна и во историјата на музика.
Роден е во 1935 година во Луизијана во сиромашно семејство на фармери. Семејството ја ставило под хипотека фармата за да му го купи на Џери првото пијано, пишува Гардијан.
