Седумте одиграни натпревари од најсилната кошаркарска лига во светот – НБА, ја одбележа словенечкиот интернационалец Лука Дончиќ, кој во дресот на Далас оствари личен сезонски рекорд на постигнати кошеви на еден меч со кој се израмни со потфатот на легендарниот Мајкл Џордан од 1986 година. Далас го совлада Орландо со 114:105, а Дончиќ во триумфот учествуваше со 44 поени што беше рекорд за него со блескава ефикасност на шест натпревари во новата сезона на кој постигнува повеќе од 30 поени. На два меча од оваа низа словенечкиот кошаркар два заврши со повеќе од 40 постигнати поени. Со ова ефикасна низа Дончиќ стана првиот кошаркар кој постигнал 30 или повеќе поени на првите шест натпревари во сезона. Такво нешто последно му успеа на Џордан во 1986 година.
ЛА Лејкерси конечно дочекаа да се израдуваат на победа во нобвата сезона. Тоа им успеа во шестиот натпревар. Ѕвездите на Лејкерси славеа против Денвер со 121:110. Леброн Џејмс беше најефикасниот во тимот со 26 поени, додаде уште осум асистенции и шест скока. Ентони Дејвис имаше дабл-дабл скор со 23 поени 15 скока. Вестбрук и Вокер уфрлија по 18 поени. Никола Јокиќ оствари дабл-дабл од 24 поени и 14 скока, 21 постигна Џамал Мареј.
Резултати: ЛА Лејкерс – Денвер 121:110, Феникс – Хјустон 124:109, Далас – Орландо 114:105, Сан Антонио – Минесота 107:98, Детроит – Голден стејт 128:114, Кливленд – Њујорк 121:108, Бостон – Вашингтон 112:94.
