Селекторот на македонската фудбалска репрезентација, Благоја Милевски објави списокот со 26 кандидати кои ќе му бидат на располагање за претстојните два контролни натпревари против Финска (17. ноември, 18:00 часот) и Азербејџан (20. ноември, 14:00 часот) кои ќе ги одиграат во Скопје на Националната арена „Тодор Проески“.
По подолга пауза на списокот се најде напаѓачот на италијанскиот калчолигаш Удинезе, Илија Несторовски. Нестор-гол последен пат во „црвено-жолтиот“ дрес играше на 28 март лани против Лихтенштајн во победата со 5-0 во мундијалските квалификации, кога даде гол од пенал и имаше асистенција. Набрзо потоа Несторовски имаше операција на лигаментите на коленото и го пропушти ЕП -2020 чија завршница поради пандемијата се одигра во 2021 година, а Македонија имаше премиерен насатап.
Во репрезентацијата се враќаат Бобан Николов и Давид Бабунски, кои во септември не беа повикани зашто прекасно најдоа клуб, а ги нема Доријан Бабунски, како и Аријан Адеми поради скинат мускул, како и од поодамна повредените Дарко Чурлинов и Тихомир Костадинов.
Голмани: Столе ДИМИТРИЕВСКИ (Рајо Ваљекано, Шпанија), Дамјан ШИШКОВСКИ (Докса, Кипар), Кристијан НАУМОВСКИ (Шкупи), Игор АЛЕКСОВСКИ (Работнички);
Одбрана: Дарко ВЕЛКОВСКИ (Ал Етифак, Саудиска Арабија), Висар МУСЛИУ (Инглоштат, Германија), Езѓан АЛИОСКИ (Фенербахче, Турција), Тодор ТОДОРОВСКИ (Сумгаит, Азербејџан), Стефан АШКОВСКИ (Ламиа, Грција), Никола СЕРАФИМОВ (МОЛ Види, Унгарија), Кире РИСТЕВСКИ (Пјуник, Ерменија), Егзон БЕЈТУЛАИ (Шкендија), Стефан РИСТОВСКИ (Динамо Загреб, Хрватска);
Среден ред: Енис БАРДИ (Трабзонспор, Турција), Агон ЕЛЕЗИ (Вараждин, Хрватска), Јани АТАНАСОВ (Хајдук, Хрватска), Стефан СПИРОВСКИ (Пјуник, Ерменија), Давид БАБУНСКИ (Мезекевешд, Унгарија), Бобан НИКОЛОВ (ФЦСБ, Романија), Елиф ЕЛМАС (Наполи, Италија);
Напад: Милан РИСТОВСКИ (Спартак Трнава, Словачка), Бојан МИОВСКИ (Абердин, Шкотска), Александар ТРАЈКОВСКИ (Ал Фејха, Саудиска Арабија), Ваљон ЕТЕМИ (Истанбулспор, Турција), Љупче ДОРИЕВ (Шкендија), Илија НЕСТОРОВСКИ (Удинезе, Италија);
Собирот е закажан за 14. ноември (понеделник) во 12:00 часот во х. Хилтон во Скопје.
