Тренерот на актуелниот англиски фудбалски првак Манчестер сити, Пеп Гвардиола, ќе размисли за својата иднина меѓу „граѓаните“ за време на паузата од Светското првенство во 2022 година, објави „Дејли мејл”.
Според британскиот весник, Шпанецот ќе се сретне со раководството на Сити за да разговара за идните планови и неговиот договор со клубот.
Актуелниот договор на Гвардиола со „граѓаните” истекнува на крајот од оваа сезона.
Педесет и едногодишниот тренер е на чело на Манчестер сити од 2016 година. Под негово водство, тимот стана шампион на Премиер лигата четири пати.
