Во интервјуто кое португалскиот фудбалски интеранционалец Кристијано Роналдо без „влакна на јазикот“ зборуваше со новинарот Пирс Морган, се крена голема врева, а неговиот клуб Манчестер јунајтед највиу драконска парична казна за искусниот 37-годишен ас од еден милион фунти.
Португалецот ја запрепасти фудбалската јавност неколку часа по победата на „црвените ѓаволи“ од 2:1 против Фулам со сериозни напади кон Ерик тен Хаг и воопшто кон клубот од „Олд Трафорд“.
Роналдо поради „болест“ го пропушти успехот во Лондон, а беше изоставен од групата и за дуелот со Астон Вила во четвртокот во Карабао купот. Роналдо сакаше да го напушти Манчестер јунајтед летото, откако беше јасно дека нема да биде редовен стартер на сметка на Маркус Рашфорд и Ентони Марсијал.
Роналдо беше казнет со двонеделна плата во октомври, откако пркосно го напушти дуелот со Тотенхем пред да заврши натпреварот. По интервјуто, клубот реши повторно да го казни Роналдо, а овојпат казната ќе биде 1 милион фунти.
Клубот допрва треба да излезе со соопштение по коментарите на Кристијано, но во медиумите се шпекулира дека Ерик тен Хаг и шефовите се „екстремно разочарани“ од постапките на играчот по успехот на „Крејвен Котиџ“.
Се чини дека Кристијано Роналдо веќе го одигра последниот натпревар за Манчестер јунајтед и ќе го напушти тимот на зима.
