Поранешниот фудбалер, а подоцна и фудбалски тренер Миодраг Јешиќ (64) загина во страшна сообраќајна несреќа. Поранешниот шеф на стручниот штаб на Партизан загина по сообраќајна несреќа што се случи на патот Рума – Јарак, во јужниот дел на Срем.
Јешиќ фудбалската кариера ја започна во Жарково, а потоа се пресели во Партизан. Тој беше член на црно-белиот сениорски тим пет години, пред да се пресели во Турција и да одигра уште пет сезони за два тамошни клуба. Повратниот мандат во Хумск траеше само една година, а по уште две сезони во Турција ја заврши играчката кариера и замина на тренерската работа.
Тој водеше бројни клубови во Србија и странство, а можеби најзначајни беа неговите мандати на клупата на Партизан. Во сезоните 1999/00 и 2006/07 ги водеше црно-белите, а покрај тоа работеше и во Раднички од Ниш, ОФК Београд, како и во бројни светски клубови! Со екипата на Партизан беше шампион на Југославија во сезоната 1982/83, а како тренер освојуваше трофеи во клубови од Тунис, Бугарија, Либија и Мјанмар.
