Првиот избор на минатогодишниот НБА драфт, кошаркарот на Детроит, Кејд Канингам, ќе го пропушти остатокот од сезоната поради операцијата на левото потколено.
Канингам се повреди на 9 ноември и оттогаш е надвор од теренот, а во меѓувреме во консултација со лекарскиот тим е одлучено кошаркарот да се оперира за да може целосно да биде подготвен за следната сезона.
До повредата Канингам оваа сезона имаше просек од 19.9 поени, 6.2 скокови и 6.0 асистенции на 12 натпревари.
Детроит со седум победи и 22 порази има најлош ефект во целата НБА лига.
