Лионел Меси ја води Аргентина до ново финале на Светските првенства, откако синоќа во првото полуфинале „гаучосите“ славеа над Хрватска со 3-0.
Доцна во ноќта по завршувањето на полуфиналниот меч, еден од најдобрите фудбалери на сите времиња, Лионел Меси за шпанска „Марка“ изјави дека во недела ќе биде неговиот последен меч во дресот на Аргентина.
-Горд сум што ќе ја завршам репрезентативната кариера со настап во финале на Мундијал. Неверојатно е ова што се случува. Во недела ќе игра најдобро што можам. Уживам и се чувствувам подготвен за мечот. Добро се подготвивме и за Хрватска, која знаевме како игра и ги искористивме нејзините слабости. Ова е моето последно Светско првенство. Импресивно е да се игра во финалето. Има уште многу години до следниот турнир и сигурно е дека нема да бидам на него, вели Меси.
Меси го игра своето петто Светско првенство во Катар, откако својата долга историја на настапи на истиот турнир ја започна уште во 2006 година во Германија, кога го замени Макси Родригез во 75. минута во натпреварот против Србија и Црна Гора, а веќе во 88. минута го постигна својот прв натпреварувачки гол за Гаучосите и, како 18-годишен, стана најмладиот стрелец на Аргентина во историјата на настапите за националниот тим што не е на СП.
Оттогаш постигна уште 96 и постави дури 55 гола во својот 171. натпревар за националниот тим. Во Катар стана национален рекордер по бројот на голови на Светските првенства (11), претекнувајќи го Габриел Батистута. Тој е одлично рангиран во трката за најдобар голгетер на актуелното Светско првенство, бидејќи во ривалските мрежи стави пет топки, како и Французинот Килијан Мбапе, кој вечерва ќе го предводи нападот на триколорите против Мароко.
Во текот на својата долга историја на настапи на светските првенства, непредвидливиот и маестрален Меси со топка веќе играше во едно финале, но го загуби тој дуел со Германија во Бразил во 2014 година.
