Огромен аквариум со милиони литри вода експлодираше во предворјето на „Радисон блу“ во Берлин, поплавувајќи ги хотелот и околните улици. Четиринаесет метри високиот „Аквадом“, во кој живееја 1.500 тропски риби, се сметаше за најголемиот самостоечки цилиндричен аквариум на светот.
Полицијата кажа дека е причинета „неверојатна поморска штета“ и дека две лица се повредени од искршеното стакло. Гостите се преместени од хотелот.
Bro what the fuck the fish tank of my hotel just exploded in the middle of the night WHATS GOING ON. #radissonblu #Berlin #aquarium #Explosion pic.twitter.com/Od8iS9YxBN
— Niklas Scheele (@niklas_scheele) December 16, 2022
Аквариумот беше модернизиран пред две години и не е познато што е причината за неговото кршење. Повеќе од 100 пожарникари се распоредени во и околу хотелот.
„Огромно количество вода се истури на околните улици. Возачите се предупредени да возат внимателно“, соопшти полицијата.
Извори од полицијата кажаа дека нема докази дека имало насилен напад на аквариумот, кој содржеше повеќе од 100 различни видови риба. „Аквадом“ беше отворен во 2003 година и негова изградба чинеше 12,8 милиони евра.
