Џејмс Камерон потврди дека се дискутира за нов филм „Терминатор“.
68-годишниот режисер се осврна на иднината на неговиот долгогодишен серијал, кој започна со оригиналната научнофантастичен класик во 1984 година, но застана со „Терминатор: Мрачна судбина“ од 2019 година.
Откривајќи ги своите идеи за можен седми филм во текот на поткастот Smartless, Камерон рече: „Доколку работам на друг филм за Терминатор и можеби се обидам повторно да ја активирам таа сага – за што се дискутира, но ништо не е решено – би направил многу повеќе од аспект на вештачката интелигенција отколку лоши роботи кои полудуваат.“
„Мрачна судбина“ повторно ја собра старата, добро позната екипа – Арнолд Шварценегер во улога на Терминатор и Линда Хамилтон во улогата на Сара Конор. Овој филм, во режија на Тим Милер, се сметаше за оживување на серијалот.
Камерон, кој го напиша сценариото, беше прилично задоволен со филмот, но дојде до судир меѓу него и режисерот кога требаше да се вратат оригиналниот актерскиот тим.
Камерон одби да го сними филмот без Арнолд. Милер сметаше дека само Линда треба да се врати.
Култниот режисер објасни: „Мислам дека филмот можеше да преживее со Линда во него.“
„Мислам дека можеше да преживее да го има Арнолд во него, но кога ќе ги ставите Линда и Арнолд – таа има 60 и нешто, тој над 70 години – тоа не е вашиот филм за Терминатор, дури не е ни Терминатор за татко ти, туку за дедо ти.“
Камерон го режираше и беше косценарист на оригиналниот филм „Терминатор“ и неговото продолжение од 1991 година „Терминатор 2: Судниот ден“, но воопшто не беше инволвиран во следните „Терминатор 3: Подемот на машините“ (2003), „Спасение“ (2009 година) и „Генисис“ (2015), кој доби неповолни рецензии од критичарите.
