Менаџерот на Тотенхем, Антонио Конте вели дека било „лудо“ да се прогнозира дека неговиот тим ќе бидат конкуренти за титулата по лошиот 0:2 пораз од Астон вила, кој ги остава на петтото место на табелата, додавајќи дека е потребно „време и трпение“ за да се трансформира клубот.
За атмосферата во клубот не треба да се зборува – доволно е да се спомене дека гневните навивачи го нападнаа претседателот Даниел Леви со извици да го напушти клубот, а играчите беа исвиркани откако ги примија головите во вториот дел.
Со поразот од Вила, Тотенхем имаат освоено само 7 од последните 21 потенцијални бодови по поразот од Манчестер јунајтед во октомври, и по 10-ти пат едноподруго први примија гол. Конте вели дека неговиот тим нема доволно „длабок“ клупа за да се разговара за титула.
„Бев многу јасен во разговорите со клубот, а во текот на летото луѓето велеа дека Тотенхем се кандидати за титулата. Од моето искуство беше лудо да се читаат такви наслови, но морав да го прифатам тоа. За да се стане кандидат за титула, потребни се силни темели, 14-15 силни и квалитетни играчи и млади играчи кои доаѓаат во клубот, а исто така да се купуваат по двајца фудбалери. Денеска, тие може да чинат 60, 70, 80 милиони фунти, но мора да ги имате за да го кренете нивото на тимот. Фановите н Тотнем заслужуваат најдобро. Можеби е најдобро да се остане на 5то место. Можеме да бидеме само петти, шести, седми и во најдобар случај четврти, вели Конте.
Конте го презеде Тотенхем во ноември 2021 по отказот за Нуно Еспирито Санто, кога тимот беше на деветтото место на табелата и имаше пет порази во првите 10 меча. По ова, тој успеа да стигне до четвртото место на табелата и пласман во ЛШ.
