Екипата на Ливерпул не успеа да победи на домашен терен против Вулверхемптон (2-2) и така ќе мора да игра реванш во англискиот ФА Куп во рамки на 1/32-финалето.
Натпреварот го одбележа катастрофалната партија на голманот Алисон кој даруваше голови на противникот. Истовремено, Ливерпул мора да е среќен затоа што игра реванш, поради спорната одлука на ВАР-собата при третиот постигнат гол на Вулверхемптон во второто полувреме кој беше поништен поради офсајд.
????#EmiratesFACup pic.twitter.com/1zXYSivrac
— Emirates FA Cup (@EmiratesFACup) January 7, 2023
Резултатот се отвори во 26. минута кога Алисон го проигра Гуедеш, а тој погоди за предност на гостинот на „Енфилд“.
Пред финишот на првиот дел, Нуњез донесе изедначување (1-1), а Салах потоа во вториот дел направи пресврт.
Вулверхемптон не се предаде, во 67. минута преку Хванг, пак по лоша реакција на Алисон, изедначи на 2-2. Во 82. минута следеше и пресврт со гол на Тоти, ама ВАР го поништи голот поради офсајд и предизвика лавина реакции.
Реваншот ќе се игра на теренот на Вулверхемптон.
Hwang Hee-chan finds a way ????????@Wolves#EmiratesFACup pic.twitter.com/NWRk9TqpXA
— Emirates FA Cup (@EmiratesFACup) January 7, 2023
