Лацио останаа без очекуваните три бода од пресметката пред своите навивачи со Емполи во рамките од 17. коло во италијанската фудбалска Серија А. Лацио и Емполи ремизираа (2:2) иако римскиот калчолигаш имаше предност од два гола со погодоците на Фелипе Андерсон во втората и Матија Закањи во 54 минута.
Гостите во 83 минута преку Франческо Капуто го намалија резултатот, а бод им донесе Разван Марин во четвртата минута од судиското надополнување.
Лацио по овој меч се најде на петтата позиција со 31 бод, додека Емполи по седмото реми сезонава е на 13. место со 19 бодови, колку што имаат и Болоња и Лече на 11-то, односно 12 место.
Во денешните два попладневни мечеви од ова коло завршија без победник. Салернитана и Торино 1:1, а Специја – Лече 0:0.
