Пред објавувањето на неговите мемоари „Spare“, Хари зборуваше за моментот кога Меган ги запознала брат му и снаата.
Принцот Хари во најновото интервју тврди дека Кејт и Вилијам ја гледале Меган Маркл како „разведена, американска актерка која има родители од две раси“.
Војводата од Сасекс (38) изнесе низа тврдења дека принцот и принцезата од Велс не успеале да и посакаат добредојде на неговата сопруга во кралското семејство.
Рече дека му било многу тешко бидејќи се надевал дека работите меѓу нив ќе се подобрат.
Тој тврди дека од различни причини, Кејт и Вилијам веднаш ја стереотипизирале Меган како американска актерка, што ги спречило да и’ дадат шанса.
– Се надевав дека ние четворицата можеме да се зближиме за јас и Вилијам да можеме да работиме заедно.
– Мислам дека никогаш не очекуваа да стапам во врска со некоја како Меган, која имаше многу успешна кариера – вели Хари.
– На почетокот имаше многу стереотипи, за некои сум и самиот виновен. Начинот на кој брат ми и снаата се однесуваа беше одраз на стереотипите што создаваа бариера.
На новинарско прашање што подразбира под стереотипи, принцот Хари изјави: – Па, знаете, американска актерка, разведена, од семејство од две раси – има од се по нешто.
Во интервјуто Хари се осврна и на моментот кога неговиот татко, кралот Чарлс, му кажал дека неговата мајка доживеала сообраќајна несреќа.
