Македонската ракометна репрезентација вечерва го игра клучниот меч за пласман во главната фаза на Светското првенство, а ривал ќе ни биде селекцијата на Аргентина.
Средбата е закажана за 18 часот во „Таурон Арена“ во Краков, место на кое мора да оствариме победа ако сакаме уште три меча на овој мундијал на кој домаќин освен Полска е и Шведска.
Веќе се познати арбитрите кои ќе ја делат правдата, тоа е комбинацијата од Литванија, Ваидас Мажеика и Миндаугас Гателис. Делегат пак ќе биде Србинот, Јован Попадиќ.
Двете селекции ги загубија дуелите против Норвешка и Холандија со тоа што ние за нијанса сме полоши и имаме гол разлика минус 22 (гаучосите минус 21).
