Кина пријави голем скок на хоспитализации поради Ковид-19 во неделата што завршува на 15 јануари, според неделниот извештај објавен од Светската здравствена организација (СЗО).
СЗО, исто така, рече дека чека детални провинциски податоци за речиси 60.000 дополнителни болнички смртни случаи поврзани со Ковид-19 минатата недела, кои не се вклучени во бројката, објави Ројтерс.
Бројот на лица хоспитализирани во Кина се зголеми за 70 отсто на 63.307 во однос на претходната недела, според извештајот на СЗО заснован на податоците обезбедени од Пекинг.
