Западните сојузници на Украина би можеле да ги надминат одложувањата во спроведувањето на мировниот план од десет точки на земјата, доколку секоја земја преземе одговорност за еден дел од него, рече првата дама на Украина, Олена Зеленска во најновото интервју.Зеленска се обрати на Светскиот економски форум во Давос откако западните сојузници ги уништија надежите на Украина за брза испорака на борбени тенкови.
Таа за швајцарскиот дневен весник „Ноје Цуерхер Цајтунг“ изјави дека многу животи се изгубени затоа што Западот не успеал да и достави оружје на Украина на краток рок за да ги истера руските сили, а голем дел од инфраструктурата на земјата е уништена.
„Планот оди подалеку од тоа, а исто така вклучува и судски барања како што е формирање на меѓународен суд за воени злосторства и дека воените затвореници можат да бидат вратени во Украина“, рече таа.
Планот објавен во ноември на самитот на Г-20 од нејзиниот сопруг, украинскиот претседател Володимир Зеленски, исто така повикува на обезбедување помош за безбедноста на храната и енергијата и воспоставување механизми за спречување на ескалација на конфликтите во евроатлантската област.
Зеленска рече дека брзата испорака на оружје ќе ја забрза способноста на Украина да победи во војната.
„За Украина тоа значи `да ја заштитиме нашата земја, нашите таленти и нашите деца“, рече таа.
