Маж со ампутирани две нозе бил застрелан и убиен од калифорниската полиција во четвртокот. Тројца полицајци од полициската станица Хантингтон Парк биле снимени како пукаат најмалку осум пати во Ентони Лоу Џуниор. (36), татко на две деца.
Семејството на убиениот изјави дека Ентони неодамна ги загубил двете долни половини од нозете по судир со полицијата во Тексас. Оттогаш живеел со својата мајка, а на денот на неговата смрт и рекол дека ќе оди во Мекдоналдс. Сè уште не е јасно кого и зошто наводно избодел Ентони, ниту во каква состојба е сега тоа лице.
Зборувајќи за инцидентот што се случи во четвртокот, полицијата извести дека Лоу Џуниор неиспровоциран со нож избодел едно лице по што се обидел да побегне од местото на несреќата. Како што тврдат, тој „скокнал“ од количката и побегнал на трупците, па двајца полицајци биле принудени да пукаат во него со пиштол тејзер (далечински електрошокер). Наводно, Ентони во едната рака држел голем месарски нож.
Набрзо на местото пристигнало и второто полициско возило од кое излегол трет полицаец. Во текот на следните 15 секунди, полицајците испукале повеќе истрели, погодувајќи го Лоу во горниот дел од торзото. Откако паднал на земја, му ставиле лисици на рацете.
-Службениците на Хантингтон Парк го застрелаа осомничениот најмалку двапати со тејзер, но употребата на тејзерот беше неефикасна. Имено, дотичниот повторно се обидел да фрли месарски нож кон полицајците и токму тогаш дошло до пукањето – соопштија од Канцеларијата на шерифот на округот Лос Анџелес.
Лоу Џуниор. подоцна починал на местото на несреќата, а неговото семејство сега бара одговори од полицијата.
Идентитетот на полицајците вклучени во инцидентот се уште не е објавен, а поручникот Хуго Рејнага од Канцеларијата на шерифот на округот Лос Анџелес рече дека сè уште не е преземена официјална дисциплинска постапка против нив.
