Борбени авиони на НАТО минатата година 570 пати пресретнале руски воени летови во меѓународниот воздушен простор, пренесе ДПА.
Тоа значи дека бројот на таквите пресретнувања, е речиси двојно зголемен во споредба со 2021 година, потврди портпаролот на НАТО по извештајот на германската медиумска група Redaktionsnetzwerk Deutschland (RND).
Сепак, извори од НАТО велат дека големата бројка не се должи само на зголемената активност на руските воздухопловни сили, туку и на посилното присуство на НАТО во источното крило поради војната на Москва против Украина, што значеше значително повеќе авиони достапни за воздушен надзор во регионот.
Повеќето од мисиите биле спроведени над Балтичкото Море.
Коментирајќи ги пресретнувањата, официјален претставник на НАТО за RND изјави дека огромен дел од воздушните пресретнувања „безбедни и професионални“.
Меѓутоа, во неколку наврати, руските воени авиони извршиле ризични маневри во близина на невооружени сојузнички извидувачки летајќи во меѓународниот воздушен простор, рече портпаролот.
Сепак, тој додаде дека руски воени авиони во ноември на небезбеден начин летале над бродови на НАТО кои биле во рутинска патрола во Балтичкото Море.
Пресретнувањата вклучуваат летови на борбени авиони на НАТО, при што тие утврдуваат дали одредено летало претставува закана или не. Доколку е потребно, тоа потоа може да се запре со сила.
