Претседателот на Пари Сен Жермен, Насер Ал-Келаифи, се согласил да го продаде бразилскиот фудбалер Нејмар на Челси за 60 милиони евра, пренесува каталонски „Спорт“.
Шпанските медиуми тврдат дека Ал-Келаифи разговарал со претседателот на Челси, Тод Боели, а наводно било договорено Нејмар да се пресели во лондонскиот клуб по крајот на сезоната.
Бразилскиот фудбалер пристигна во ПСЖ во 2017 година за 222 милиони евра, но не успеа да му го донесе трофејот во Лигата на шампионите на клубот од Париз.
Ал-Келаифи наводно е лут на Нејмар, откако бразилскиот фудбалер отиде на турнир во покер по поразот на ПСЖ од Баерн (0:1) во првиот осминафинален натпревар од Лигата на шампионите, а претходно имаше конфликт со спортскиот директор Луис Кампос.
