Хрватскиот претседател Зоран Милановиќ ја коментира одлуката на градоначалникот на Пула, Филип Зорчиќ, да ги забрани концертите на народна музика во тој град и истакна дека не ја сака културата на забрана, како што рече, но и таа музика, која „му оди на нерви и го болат коските од неа“.
Тој додаде дека ќе дозволи нивен концерт бидејќи, како што вели, имаат публика, а и половина од ХДЗ ја слушаат таа музика.
„Не ја сакам таа музика, никогаш не можев да ја поднесам. Ми оди на нерви, ме болат коските. Јас не би ја бранел. Одлуката на градоначалникот на Пула е да не го дозволи бидејќи таму ќе има жени“, рече Милановиќ.
Тој потсети дека концертот на Марко Перковиќ-Томпсон се одржал во Пула пред повеќе од десет години, па некои разговарале и за тоа.
„Не би ги забранил повеќето работи. Не ми се допаѓа таа култура за забрана. Би им дозволил да имаат концерт. Имаат публика, па половина од ХДЗ ја слушаат“, рече Милановиќ.
На концертот во Пула, меѓу другите, требаше да настапат и Ана Бекута и Драган Коиќ-Кеба.
